اسلام آباد۔20اگست (اے پی پی): مزن وزیر شہباز شریف ءَ گشتگ کہ راشد مہناس شہید ءِ مزن دلی، بہادری ءَ گوں کتگیں کارنامگ پاک فضائیہ ءِ افسر آنی پہ ماتیں وطن ءِ ھاترءَ مہرء ُ دوستی ءِ درشانی اِنت۔ نشا ن حیدر ءِ داد زوروکیں پاک فضائیہ ءِ آفیسر راشد منہاس شہید ءِ سال روچ ءِ موہ ءَ شمبے ءِ روچءَ وتی ٹویٹ ءِ تہا مزن شہباز شریف ءَ گشتگ کہ51 سال پیسر مرچیگیں روچ ءَ پاک فضائیہ ءِ پائلٹ راشد منہاس، نشان حید ر ءِ داد گروکیں درستاں چہ کستریں افسر ءَ وتی فرض ءِ پیلو کنگءِوہد ءَ وتی جان ندر کتگ۔ راشد منہاس ءِ مزن جگری، بہادر ی ءَ گوں کتگیں کارنامگ پاک فضائیہ ءِ افسر آنی ماتیں وطن ءِ ھاترءَ مہر ء ُ دوستی ءِ درشانی اِنت۔ مزن وزیر ءَ گشتگ کہ راشد منہاس دائم ءَ راج ءِ دلانی تہا زندگ بیت۔
