اسلام آباد۔20اگست (اے پی پی):ملک مستر ڈاکٹر عارف علوی ءَ بینکنگ محتسب ءِ فیصلہ آنی حلاپ ءَ حیبیب بینک لمیٹڈ ( ایچ بی ایل ) ءِ شش جتاہ جتاہیں دزبندی نامنت اِتگ ء ُ گشتگ کہ بینک ہمگرنچیں بینکنگ راہبندانی سرءَ عملک کنگءَ ناکام بوتگ، دزبندی میرٹ ءِ سرءَ نیاں، منگ نابنت۔ شمبے ءِ روچءَ ایوان صدر میڈیا ونگ ءِ نیمگ ءَ چہ جاری پریس ریلیز ءِ ردءَ لُچ ءُ ٹگاں بینک ءِ 6 اکاؤنٹ باسکاناں چہ 10 لکھ کلدارءَ چہ زھبار کتگ بوتگ اَت۔ بینک ءَ اکاؤنٹ ہولڈرز آنی دزبندی/ منگءَ ابید یک نیمگی الیکٹرانک فنڈز ٹرانسفر ءِ آسراتی داتگ۔ ایچ بی ایل ءِ نیمگ ءَ چہ بینکنگ محتسب ءِ فیصلہ آنی حلاپءَ حبیب بینک ءِ دزبندی آناں نامن اِتگ ءُ ملک مستر ءَ گشتگ کہ بینک اکاؤنٹ ہولڈرز آنی آن لائن لُٹگ ء ُ پولگ ءِ حلاپ ءَ رکینگ ءَ ناکام بوتگ۔ ملک مستر ءَ وتی فیصلہ ءِ تہا پنت ء ُ شون کتگ ء ُ گشتگ کہ درائیں بینک گراکاناں انٹرنیٹ ء ُ ازمت پیش کنگءَ چہ پیسر انٹرنیٹ بینکنگ ءِ ھاترءَ المی ءَ رجسٹر بہ کن اِت، درائیں بینک وتی گراکاناں لُچی ٹگی ءَ چہ رکینگ ءِ ھاترءَ درائیں رکینگی گامگیجاں بہ کنت۔ حبیب بینک لمیٹڈ ءِ 6 اکاؤنٹ ہولڈر آناں ٹگاں آیانی نام، راجی پجار کاٹ، ودی روچ ءِ رمس، اے ٹی ایم کارڈ آنی ہوالگءَ معلوداری داتگ ء ُ لُٹ اِتگ۔ ٹگاں فون ءِ سرءَ آیانی مات ءِ نام ء ُ آیانی ذاتی معلومداری حاصل کتگ ء ُ آناں لُٹ اِتگ۔ اکاؤنٹ ہولڈر آں بینکنگ محتسب آف پاکستان ءَ گوں نزیکی کتگ، کہ آیاں لُچی ، ٹگی ، دروگیں راھبنداں چہ آیاں فراڈ کنگ بوتگ اے گپانی گوشدارگ ءَ پد فیصلہ بینک گراکانی حق ءَ دیئگ بوتگ کہ ایشانی حلاپ ءَ بینک ءِ دزبندی ملک مسترءَ نامن اِتگ ۔ بینک ءَ اے جیڑہ ءَ را دراج کش دیئگ ءِ کوشست ءَ ملک مستر ءَ را دزبندی کتگ اے دزبندی ملک مسترءَ نا من اِتگ اَنت۔
