مزن وزیر شہباز شریف ءَ توان ءِ بل آنی وسییلگ ءَ فکسڈ سیلز ٹیکس   ءِ گرگ ءَ را  مھتل دارگ ءِ حکم داتگ، دوکاندار آنی بجلی ءِ بل آنی سر ءَ  فکسڈ سیلز ٹیکس ءَ را   استیں تپاکی شرط ءَ چہ گیش  گرگ  ءِ ھوالگ  ءَ انکوائری کنگ  ءِ   حکم داتگ

اسلام آباد۔20اگست  (اے پی پی): مزن وزیر  شہباز شریف  ءَ توان ءِ بل آنی وسیلگ ءَ فکسڈ سیلز ٹیکس ءِ گرگ ءَ را زوتیں رد ءَ  مھتل داران ءَ  ٹیکس  گرگ ءِ نوکیں کار رھبند ءُ کار رپک  رد ءُ بند کنگ ءُ دوکاندار  آں چہ توان ءِ بل آنی وسلیگ ءَ ٹیکس  گرگ   ءِ  ھوالگ ءَ کجام ھم نمونگ ءِ پیسلہ  کنگ ءِ ساھت ءَ  تاجر آنی نماھندگ آں گوں شور ءُ مشر کنگ  ءِ  پنت ءُ شون کتگ۔  مز ن وزیر ءَ  توان  ءِ بل  آنی وسیلگ  ءَ  دوکاندار آنی سر ءَ فکسڈ سیلز  ٹیکس   گرگ ءِ کچ ءُ کساس ءَ چہ گیش  ٹیکس جنگ   ءِ ھوالگ  ءَ انکوائری کنگ ءِ  حکم ھم داتگ۔  دیوان ءَ  بنجاھی  وزیر  برائے ھاٹیگ  انجینئر خرم دستگیر، بنجاھی وزیر برائے ھزانگ مفتاح اسماعیل ، وزیر ءِ مملکت برائے پٹرولیم  ڈاکٹر  مصدق ملک، چیئرمین ایف – بی- آر، بنجاھی سیکرٹریز  ھاٹیگ، ھزانگ ءُ پٹرولیم  ءَ ابید  مزن تکی کارندہ آں  بھر زوری کت۔