کراچی ۔20اگست (اے پی پی):پاکستان پیپلزپارٹی ءِ سروک ءُ بنجاھ، گریبی ءُ گہبودی رکھینوک شازیہ مری ءَ گوشت کہ سیلاپ ءَ چہ آماچیں 15 لکھ ھاندان آناں یک ھاندان 25 ہزار کلدار دیگ بیت ءُ ایشی ءِ واستہ 37 ارب کلدار گیشینگ بوتگ ، انوگیں اھوال آنی رد ءَ سیلاپ ءُ ھور ءَ چہ 650 مردم بیران بوتگ انت، بیران بوتگیں ھاندان ءَ را 10 لکھ کلدار دیگ بیت، مارا درستاناں یکجائی ءَ سیلاپ ءُ ھور ءِ آماچیں مردم آنی کمک کنگ کنگ لوٹ ائیت۔ اے ھیالانی درشانی آئی ءَ شمبے ءِ روچ ء سندھ ارکائیوز کمپلیکس ءِ کمیٹی روم ءَ پریس کانفرنس ءَ گوں گشتانک دیان ءَ کت۔ بنجھی وزیر شازیہ مری ءَ گوشت کہ ھور ءَ چہ آماچیں مردم 15 لکھ ھاندان آناں ھمک ھاندان 25 ہزار کلدار دیگ بیت ءُ یشی ءِ واستہ 37 ارب کلدار گیشینگ بوتگ انت۔ آئی ءَ گوشت کہ آماچیں مردم آنی ڈیٹا جم کنگ بیت ءُ اے زر بے نظیر انکم سپورٹ ءِ وسیلگ دیگ بنت۔ آئی ءَ گوشت کہ ھور بوھگ ءَ انت ھمے ھاترا آماچیں مردم آنی کساس ءِ تہ ءَ گیشی بوت کنت۔
