راولپنڈی۔20اگست (اے پی پی):شمالی وزیرستان ءِ ضلع ءِ دمگ میر علی ءَ انٹیلی جنس ءِ بنیات ءَ کتگیں آپریشن ءِ ساھت ءَ فائرنگ ءَ چہ یک ناشرکاری کمانڈر گوں وتی دو ھمبراہ ءِ گوما کوشگ بوتگ۔ پاک فوج ءِ رسانکی در آئی ایس پی آر ءِ رد ءَ انٹیلی جنس بنیات ءَ آپریشن آنی ساھت ءَ پاک فوج ءِ ٹروپ آنی رد ءَ ناشرکار آنی گوما تیرا گواری کنگ بوتگ ایشی ءِ سبب ءَ ناشرکار آنی کمانڈر ءُ آئی ءِ دو ھمبراہ جنگ بوتگ انت۔ ناشرکار کمانڈر ءِ پجاروکی حافظ گل بہادر گروپ ءِ خبیب المعروف بلال ءِ نام ءَ بوتگ۔ ناشرکار آنی کبزہ ءَ چہ بازیں وتاس ءُ بمب دزگیر کنگ بوتگ۔ جنگ بوتگیں ناشرکاری سیکورٹی فورسز آنی سر ءَ ارش، جتا جتائیں تراکی سامان آنی تیاری ءُ کودکیں شہری آنی کوش ءَ گوں دست مانجن بوتگ۔ ناشرکاری کمانڈر خبیب اگست 2022 ءَ میر علی ءَ سیکورٹی فوسز آنی ٹروپ ءِ سر ءَ وت کشیں تراک ءَ گوں دست مانجن بوتگ۔
