مات ءُ پت زھگ آناں  پولیو ءِ پٹوکی  ءَ را المی ءَ بہ واریناں،  اے مرض  ءَ را ھلاسیءَ چہ  زھگ آنی آیوکیں باندات  رکھ ائیت، مزن وزیر شہباز شریف 

اسلام آباد۔19اگست  (اے پی پی): مزن وزیر شہباز شریف  ءَ گوشت کہ بنجاھ ءُ صوبگ یکجائی ءَ  پولیو ءِ  نادراھی ءِ  ھلاسی ءَ بکن  انت ءُ  وتی زھگ آنی  آیوکیں باندات ءَ را بہ رکھیناں۔  آدینگءِ روچ ءَ  پولیو ءِ گر ءُ دار ءِ بنگیج ءَ   گوں گشتانک دیان ءَ مزن وزیر ءَ  توامیں پولیو  ورکرز   ءُ سیکورٹی فورسز آں ورنا آناں توسیپءُ ستا پیش کت  ایشاں وتی جان آنی قربانی  دیان ءَ  وتی پرز آناں  پیلو کنگ ءَ انت۔  اے موہ ءِ سر ءَ مزن وزیر ءَ زھگ   آناں  پولیو ءِ   پٹوکی  وارینان ءَ  پولیو ءِ  گامگیج آنی  بنگیج کت۔  بنجاھی  وزیر  جان سلامتی عبدالقادر پٹیل،بنجاھی وزیراھوالکاری  ءُ شنگکاری مریم  اورنگزیب ،  سر وزیر  سندھ  سید مراد علی شاہ  ھم اے موہءِ سر ءَ ساڑی ات۔ مزن وزیر ءَ گوشت کہ پولیو  یک سلیں نادراھی ات  ایش زھگ آناں  لنگ ءُمنڈ کت کنت،  ھمے ھاترا توامیں مات ءُ پت وتی 5 سال ءِ امبر ءِ  زھگ آناں پولیو ءِ پٹوکی ءَ المی ءَ بہ  وار ئیناں ءُ  راج ءِ   نوکیں باھند آناں   بہ رکھیناں۔  مزن وزیر  ءَ گوشت کہ سرجمیں دگنیا ءَ  پولیو ءِ ھلاسی بوتگ، پاکستان ءَ ھم  اے مرض  ھلاس بوتگ  بلے بد بھتی ءَ  بازیں دمگ  آنی تہ  ءَ  پولیو  دوارگ دیم ءَ اتکگ۔  مزن وزیر ءَ اے جزم ءِ درشان کت کہ بنجاھ ءُ صوبگ یکجائیءَ پولیو   ءِ ھلاسیءَ بکن  انتءُ   زھگ آنی آیوکیں باندات  ءَ را بہ رکھیناں۔