اسلام آباد۔19اگست (اے پی پی): مزن وزیر شہباز شریف ءَ گوشتگ کہ پولیو ءَ چہ پاک پاکستان مئے راجی مول ُ مراد انت، بد بھتی ءَ چہ پاکستان اے ملک آنی تہ ءَ ھوار انت کہ آھودا پولیو ءِ مریض انوگ ءَ تاں است انت، بنجاھی ءُ صوبائی حکومت آناں پولیو ءِ ھلاسی ءِ واستہ یکجائی مشن ءِ رنگ ءَ گامگیج کنگ لوٹ ائیت، آدینگ ءِ روچ ءَ وتی یک ٹویٹے ءَ مزن وزیر ءَ گوشت کہ مات ءُ پت آں گوں دزبندی انت کہ آ پولیو ٹیب آنی گوما کمک بکن انت۔ آئی ءَ گوشت کہ پولیو ءَ چہ پاک پاکستان مئے راجی مول ءُ مراد انت، سیلاپ ءِ سبب ءَ ملک ءِ بازیں دمگ روگ ءُ آیگ کٹ بوتگ ھمے ھاترا پولیو ءِ ھلاپ ءَ گامگیج یک چیلینج ءِ جوڑ بوتگ۔ آئیءَ گوشت کہ پولیو ءِ ھلاپ ءَ گامگیج آنی تہ ءَ اچ رنگیں سستی مہ بیت، ما میاں اوستمانی شریکدار ھاسیں رنگ ءَ بل اینڈ ملینڈا گیٹس فائونڈیشن ءِ کمک ءَ چہ شگر ءُ منت واری آں۔
