اسلام آباد۔19اگست (اے پی پی): مزن وزیر محمد شہباز شریف ءَ گوشت کہ سیلاپءَ چہ آماچیں مردم آنی برجائی مئے راجی مشن انت، سرجمیں ملک 15 لکھ سیلاپ ءَ چہ آماچیں دمگ آنی واستہ فنڈ ریلیف کیش پروگرام ءِبنگیج کنگ بوتگ،سرجمیں ملک ءَ چہ 15 لکھ سیلاپ ءَ چہ آماچیں ھاندان آناں زوتیں رد ءَ 25 ہزار نگدیکمک پجاری بندات کنت۔آدینگ ءِ روچ ءَ وتی ٹویٹ ءَ مزن وزیر محمد شہباز شریف ءَ گوشت کہ سیلاپ ءَ چہ آماچیں مردمآنی واستہ فنڈ ریلیف کیش پروگرام ءِ بنگیج کنگ بوتگ۔ سرجمیں ملکءَ 15 لکھ سیلاپ ءَ چہ آماچیں ھاندان ءَ را زوتیں رد ءَ 25 ہزار کیس کمک پجاری کنگ بوتگ۔ آئیءَ گوشت کہ تباہیءِ کساس ءَ را دیم ءَ ایر کنان ءَ کمکی زر آنی بنگیج بلوچستان ءِ سیلاپ ءَ چہ آماچیں مردم آں گوں کنگ بوتگ۔ مزن وزیر ءَ گوشت کہ فلڈ ریلیف کیش پروگرام ءِ چیر دستیءَ 37.2 ارب کلدار 90 لکھ مردم آں تاں پجارینگ بوھگ ءَانت۔ اے کمکی زر یکجائی سروے ءَ چہ پد جانی ءُ مالی تاوان ءِ مد ءَ دیگ بوھوکیں زر آں چہ ابید انت۔ آئی ءَ گوشت کہ سیلاپءَ چہ آماچیں مردم آنی برجائی مئے راجی مشن انت۔
