اسلام آباد۔18اگست (اے پی پی): وزیر ءِ درئی کار بلاول بھٹو زرداری ءُ ڈیجیٹل کارپوریشن آرگنائزیشن ءِ سیکرٹری جنرل دماح الیحیٰی ءِ نیام ءَ ویڈیو لنک ءِ وسیلگ ءَ رابطہ بوت ایشی ءِ اندر ءَ پاکستان ءَ ھوار توامیں باسکیں ملک آنی نیام ءَ ڈیجیٹل اکانومی ءَ ٹوھیں دیمروئی ءِ ھوالگ ءَ ھیال ریچی کنگ بوت۔ ڈیجیٹل کارپوریشن آرگنائزیشن ءِ سیکرٹری جنرل دماح الیحیٰی ءَ پاکستان ءِ جوڑیشت ءِ 75 سال سرجم بوھگ ءِ پد ءَ وزیر ءِ درئی کار بلاول بھٹو زرداری ءَ را مبارک بات دیان ءَ گوشتکہ سفارتی پڑ ءَ پاکستان ءِ کار کرد جوان انت۔ وزیر ءِ درئی کار بلاول بھٹو زرداری ءَ گوشت کہ پاکستان، ڈیجیٹل کارپوریشن آرگنائزیشن ءِ جوڑ کنوک ءِ رد ءَ وتی زمہ واریں کرد ءَ را پیلو کنگ ءَ انت۔ آئی ءَ گوشت کہ ڈیجیٹل کارپوریشن آرگنائزیشن پاکستان ءَ ورنا آنی واستہ ڈیجیٹل وانگ ءُ زانگ ءِ شوبگ ءَ کمک بکنت، پاکستان مٹ بوھوکیں دگنیا ءِ گوما گام آں گوں گام ءِ گوما ملارینگ ءَ تیار انت۔
