اسلام آباد۔18اگست (اے پی پی): وزیر ءِ مملکت برائے پٹرولیم مصدق ملک ءَ گوشت کہ پاکستان ءَ کاروباری چست ءُ ایر ءُ سرمایہ کاری ءِ بے کساس موہ است انت، مھکمیں معاشی دیمروئی ءِ واستہ پالیسی آنی رچ المی انت۔ آیوکیں باندات ءَ نینو ءُ بائیو ٹیکنالوجی ءِ کارمرزی باز ارزشتی بیت۔ پنچ شمبے ءِ روچ ءَ ادا بزنس سمٹ ءَ گوں گشتانک دیان ءَ آئی ءَ گوشت کہ جوانیں وانگ ءُ زانگ ، جوانی ءَ گوں ھک آنی در جنی ءُ آزتی بنیاتی بنی آدمی ضلورت انت۔ کجام ھم چاگرد یا ملک ءِ دیمروئی ءِ واستہ سیم سر آنی ٹک ءُ نشان المی بیت۔ جدید ٹیکنالوجی ءِ مرچیگیں دگنیا ءَ کارمرزی یک گواچن ءِ جوڑ بیتگ ءُ ٹیکنالوجی ءَ ابید دیم ءَ جنزگ ناممکن انت۔
