اسلام آباد۔18اگست (اے پی پی):سپیکر راجی اسمبلی راجہ پرویز اشرف ءَ گوں چیئرمین نادرا طارق ملکءَ پنچ شمبے ءِ روچ ءَ گند ءُ نند کت۔ گند ءُ نند ءَ نادرا ءِ کار کرد، الس ءَ را شناختی کارڈ ءِ بنگیج ءُ رجسٹریشن ءِ رد ءَ استیں جیڈھ ءُ ایندگر کار آنی ھوالگ ءَ ھیال ریچی کنگ بوت۔ سپیکر راجہ پرویز اشرف ءَ گوشتکہ آباتی ءِ رد ءَ گوجر خان ءِ شمار صوبہ پنجاپ ءِ ٹوھیں تحصیل آنی تہ ءَ بیت۔ گوجر خان ءِ الس ءَ را شناختی کارڈ ءِ بنگیج ءُ رجسٹریشن ءِ ھوالگ ءَ استیں جیڈھ آنی تران ءَ کنان ءَ گوشت کہ گوجر خان ءَ استیں نادرا سینٹرز آنی کساس الس آنی جیڈھ آناں گیوار کنگ ءَ بس نہ اَنت،گیشتر بہ بنت آئی ءَ گوشت۔ آئی ءَ گوشتکہ نادرا ءِ کارگس ءِ گوجر خان ءَ 24/7 میگا سینٹر ءِ تہ ءَ اپگریڈ کنگ ءُ گوجر خان تحصیل ءَ نوکیں نادرا سینٹرز جوڑ کنگ ءِ پنت ءُ شون کت۔ سپیکر ءَ گیش تران کنان ءَ گوشت گوجر خان ءُ دولتالہ دزبندی کنوک آناں نادرا ءِ ھوالگ ءَ جیڈھ آنی گیواری ءِ واستہ زونل کارگس روات روگ کپ ائیت ایش الس ءِ واستہ گران ءُ مشکلا اِنت، سپیکر ءَ نادرا کارگس گوجر خان ءَ را زونل کارگس درجگ دیگ ءِ ھم پنت ءُ شون کت۔ چیئرمین نادرا طارق ملک ءَ گوجر خان ءَ الس آناں شناختی کارڈ در جنگ ءُ رجسٹریشن ءَ استیں جیڈھ آناں اول سرئی بنیات ءَ گیوار کنگ ءِ دل یکیمی کنائینت۔
