اسلام آباد۔ 18 اگست (اے پی پی) وزارت مذہبی امور حج سپورٹ فنڈ انا زرتس آتیٹی حاجی تے مون تروک مشکل آتا نوٹس ءِ ہلسا بینک کوآرڈینیٹر ءِ پارت کرینے دا ویل ءِ دمدستی ایسر کننگے ایلو دروشم اٹ اوفتا برخلاف معاہدہ نا رداٹ کارروائی کننگک۔ وزارت نا ترجمان نا رداٹ وزارت مذہبی امور ءِ دا غاو ملانے کہ حج سپورٹ فنڈ انا زرتس نا بابت حاجی تے مشکل مون تروک ءِ ، دابناء آ وزارت مذہبی امور پارت کرینے کہ حاجی تا مشکل آتے دمدستی چٹفنگے، ایلودروشم اٹ زر انا زرتس اٹی تساہل یا تاخیر آ بینک آتون معاہدہ نا رداٹ تعلقدار بینک انا برخلاف کارروائی کننگک۔
