اسلام آباد۔ 18 اگست (اے پی پی) چیئرمین سینیٹ صادق سنجرانی پارت کرینے کہ خیبرپختونخوا ٹی اوار مروک مسکوہی قبائلی ضلع غاتیٹی نادرا نا ہند آتیٹی زالبول ملازم آتا کچ ءِ پورو کننگ کن خڑک انا ضلع غاتیان زالبول آتا بدلی ءِ کننگے۔ پنچ شنبےنادے آ بڑزکو ایوان نا دیوان اٹی وقفہ سوج آتیٹی قبائلی ضلع غاتیٹی نادرا نا ہند آتیٹی زالبول ملازم آتا کچ کم مننگ نا بابت سینیٹر مشتاق احمد، سینیٹر فدامحمد خان نا سوج آتا ورندی ٹی وزیر مملکت کانود و انصاف سینیٹر شہادت اعوان پارے کہ مسکوہی قبائلی ضلع غاتیٹی 268 نادرا ہند کاریم کننگ ءُ و 44 ہند زالبول آتیکن جتا ءُ ہراڑے نرینہ ملازم تعینات اف و ہموڑے زالبول ملازم فرض سرتننگ ءُ۔ اوپارے کہ اگہ آخبت بھرتی کننگاتو زالبول اومیتدار آتے اوفتا اہلیت نا رداٹ بھرتی کننگک۔ چیئرمین سینیٹ پارت کرے کہ خڑک انا ضلع غاتیان زالبول ملازم آتا بدلی ءِ کرسا ہموڑے زالبول ملازم آتا کمتی ءِ پورو کننگے۔
