اسلام آباد۔ 16 اگست (اے پی پی) بنجائی وزیر خزانہ مفتاح اسماعیل پارینے کہ پیٹرولیم مصنوعات آتا نہاد آتیٹی بدلی پی ایس او خڑچ آتیٹی بدلی نا ڈیک ءِ ایتک، مخلوق نا تنقید نا خیرمقدم ءِ کیوہ، چاوہ کہ ای تینا ملک اتون مخلص اُٹ و اودے ڈیفالٹ مننگ آن بچفینٹ۔ سے شنبے نادے آ پیٹرولیم مصنوعات آتا نہاد آتیٹی ودکی آن پد وزیرخزانہ مفتاح اسماعیل و سینئر صحافی حامد میر نا ٹویٹر آ نوک جھوک مس۔ حامد میر پیٹرولیم مصنوعات آتا نہاد آتیٹی ودکی مفننگ نا دعویٰ نا خبر ءِ شیئر کرے و نوشتہ کرے’’مفتاح صاحب نی مدام غلط انت اکن پیش تمسہ‘‘ ۔ ورندی ٹی وزیرخزانہ پارے ’’میر صاحب نن پیٹرولیم مصنوعات آتیا اسہ روپئی اس ہم خراج خلتنون ہرا نہاد آک ودانو یا کم مسنو بیرہ پی ایس او نا خرید نا رداٹ کم مسنو یا ودانو‘‘۔ حامد میر ورندی تس کہ ’’مفتاح صاحب سادہ انگا سوج دادے کہ جہانی منڈی ٹی تیل اڑزآن مس نی انت اکن کبین کریس؟‘‘۔ حامد میر پارے ’’نی پاکستان نا وزیر خزانہ اُس، نی نہاد آتیٹی اسہ دے اس ودکی آن مست دا دعویٰ انت اکن کریس کہ نہاد آتے ودفپننگ انگ ءِ؟‘‘۔ مفتاح اسماعیل ورندی تس ’’ای اسہ آسان ءُ ہدف اسے اُٹ ہرا کہ سہی ءِ، پیٹرولیم مصنوعات آتا نہاد آتیٹی بدلی پی ایس او خڑچ آتیٹی بدلی نا ڈیک ءِایتک، مخلوق نا تنقید نا خیرمقدم ءِ کیوہ، چاوہ کہ ای تینا ملک اتون مخلص اُٹ و اودے ڈیفالٹ مننگ آن بچفینٹ۔
