اسلام آباد۔ 16 اگست (اے پی پی) بنجائی وزیر قومی جان جوڑی عبدالقادر پٹیل پارینے کہ حکومت الس ءِ ریلیف تننگ کن سنبرینگوک ءِ، الس نا خذمت ننا نصب العین ءِ۔ سے شنبےنادے آ وزارت نا کنڈآن جاری بیان نا رداٹ وزیر جان جوڑی پارے کہ ڈریپ وزیر جان جوڑی ءِ چِل آن زیات دوائی تا نہاد آتیٹی ودکی نا سمری اس گدریفیسس۔ بنجائی وزیر جان جوڑی عبدالقادر پٹیل دوائی تا نہاد آتے ودفنگ نا سمری ءِ یکسر مسترد کرے۔ اوپارے کہ اسہ ہم دواسے نا نہاد ودپک۔ حکومت الس ءِ ریلیف تننگ کن سنبرینگوک ءِ۔ حکومت جان جوڑی نا بشخ اٹی الس ءِ ریلیف تننگ کن عملی گام گیج آتے پک کننگ ءِ۔ جان جوڑی نا بشخ اٹی الس نا راجی آسراتی کن غٹ تر المی گام گیج آتے پک کننگ ءِ۔ نن السی مخلوق اُن الس نا خذمت ننا نصب العین ءِ۔
