اسلام آباد۔ 16 اگست (اے پی پی) صدر مملکت ڈاکٹر عارف علوی ٹانک اٹی پولیو ٹیم آ دہشت گردآتا سم کاری نا ترندی اٹ مذمت ءِ کرسا جلہو اٹی پولیس کارندہ سپاہی پیر رحمان و سپاہی نثار خان نا شہیدی آ ڈکھیائی و است ہسونی نا درشانی ءِ کرینے۔ ایوان صدر نا پریس ونگ آن سے شنبے نادے آ جاری بیان نارداٹ صدر مملکت پارے کہ داوڑنا مکروہ جلہو کروک آک ننا چناتا آخبت نا دشمن ءُ۔ صدر شہیدآتے خراج عقیدت پیش کرے و اوفتا درجہ غاتا بڑزی کن دعا کرے۔ ڈاکٹر عارف علوی پارے کہ پولیونا برخلاف قومی مہم اٹی سیکورٹی کارندہ و ہیلتھ ورکرآتا قربانیک زیان مفسہ۔ انشاء اللہ نن غٹ اواری اٹ پاکستان نا پولیو ءِ پورو چٹفنہ۔ صدر مملکت شہید آتا خاہوت آتون ہمدردی نا درشانی ءِ کرے و اوفتے کن صبر و جمیل نا دعاہم کرے۔
