اسلام آباد۔ 16 اگست (اے پی پی) صدر مملکت ڈاکٹر عارف علوی جلال پور، موٹروے ایم 5 آ ٹریفک شکست اٹی نہادی انسانی جان تا نسخان آ ڈکھیائی و است ہسونی نا درشانی ءِ کرینے۔ سے شنبے نادے آ ایوان صدر نا پریس ونگ آن جاری بیان نا رداٹ صدر مملکت دا است ہسون شکست اٹی زوال کروک آ بندغ آتا درجہ غاتا بڑزی کن دعا کرسا تعلقدار کمامدارآتے پارت کرے کہ ٹھپی مروک آتے ہرممکن طبی امداد فراوان کننگے۔ صدر مملکت پارے کہ رکھی گام گیج آتیا عملدرآمد و ٹریفک کانود نا پاسداری داوڑنا شکست آتیان بچفنگ کن بھاز اہم ءِ۔ اوپارے کہ داوڑنا شکست آتیان بچنگ کن گچین گام گیج کننگے۔ صدر ٹھپی مروک آتا زوت دراخ جوڑی کن دعا کرے۔ صدر مملکت شکست اٹی زوال کروک آ بندغ آتا خاہوت تون ہڑزخواہی کرے و اوفتے کن صبر و جمیل نا دعا ہم کرے۔
