اسلام آباد۔ 16 اگست (اے پی پی) چیئرمین سینیٹ محمد صادق سنجرانی جلالپور پیروالہ انٹرچینج آ بس و تیل انا ٹینکی نا ٹریفک شکست اٹی نہادی انسانی جانی نا زیان آ ڈکھیائی و است ہسونی نا درشانی ءِ کرینے۔ سینیٹ سیکرٹریٹ نا رداٹ چیئرمین سینیٹ پدسلوک آ خاہوت آتون ہمدردی نا درشانی ءِ کرسا پارے کہ ڈکھیائی نا داساہت اٹی او اوفتا غم اٹی بریبر نا شریک ءِ۔ چیئرمین سینیٹ ٹریفک نا دااست ہسون شکست اٹی زوال کروک آ بندغ آتیکن دعا کرے کہ اللہ تعالیٰ ایماندار تا بخشش و درجہ غاتے بڑزکے و غمزدہ خاہوت آتے صبر و جمیل عطاکے۔ چیئرمین سینیٹ دا شکست اٹی ٹھپی مروک آتا زوت جان جوڑی کن ہم دعا کرے و تعلقدار ادارہ غاتے ٹھپی مروک آتے گچین طبی آسراتی تا فراوانی نا پارت جاری کرے۔ ڈپٹی چیئرمین سینیٹ سینیٹر مرزا محمد آفریدی، قائد ایوان سینیٹ سینیٹر اعظم نذیر تارڑ، قائد حزب اختلاف سینیٹ سینیٹر ڈاکٹر شہزاد وسیم ئسک ہم جلالپور پیر والا انٹرچینج آ بس و تیل انا ٹینکی نا ٹریفک شکست اٹی نہادی انسانی جان تا زیان آ ڈکھیائی و است ہسونی نا درشانی ءِ کرینو۔
