بنجائی وزیر حوالکاری و شینکاری مریم اورنگزیب نا جلال پور ٹریفک شکست اٹی نہادی جانی نسخان آ است ہسونی نا درشان

اسلام آباد۔ 16 اگست (اے پی پی) بنجائی وزیر حوالکاری و شینکاری مریم اورنگزیب جلال پور پیر والا انٹرچینج نا خڑک ٹریفک شکست اٹی نہادی جانی نسخان تیا ڈکھیائی و است ہسونی نا درشانی ءِ کرینے۔ سے شنبے نادے آ تینا بیان اٹی بنجائی وزیر حوالکاری زوال کروک آ بندغ آتا خاہوت آتون ہمدردی نا درشانی ءِ کرسا پارے کہ دا است ہسون شکست آ ہر خن خڑینکی ءِ، خاہوت آتا ڈکھیائی ٹی بریبر نا شریک اُن۔ اودعا کرے کہ اللہ تعالیٰ شکست اٹی زوال کروک آ غٹ بندغ آتا درجہ غاتے بڑز کے۔ بنجائی وزیر شکست اٹی ٹھپی مروک آ بندغ آتا زوت دراخ جوڑی کن دعاہم کرے۔