اسپیکر قومی اسمبلی نا جلال پور انٹرچینج ناخڑک بس و ٹینکی اسے نا ڈوک لگنگ اٹی نہادی انسانی جان تا زیان آ است ہسونی نا درشان

اسلام آباد۔ 16 اگست (اے پی پی) اسپیکر قومی اسمبلی راجہ پرویز اشرف ملتان اٹی جلال پور انٹرچینج نا خڑک بس و ٹینکی اسے نا ڈوک لگنگ اٹی نہادی انسانی جان تا زیان آ ڈکھیائی و است ہسونی نا درشانی ءِ کرینے۔ سے شنبے نادے آ تینا کلہو اٹی اوڈوک لگنگ نا نتیجہ ٹی 20 نہادی انسانی جان تا زیان آ زہمی خاہوت آتون ہمدردی و است ہسونی نا درشانی ءِ کرے۔ اسپیکر پارے کہ ٹھپی مروک آتا زوت دراخ جوڑی کن دعا کیوہ۔ اودعاکرے کہ اللہ تعالیٰ ایماندار تا بخشش و خاہوت ءِ صبر و جمیل عطاکے۔