اسلام آباد۔ 15 اگست (اے پی پی) بنجائی وزیر زرکاری چوہدری سالک حسین پارے کہ تلہ گنگ و کیبی ٹی تالان مروک آ مرض لمپی سکن ساہدار و میئی تا ترندی اٹ کہینگ نا سوب جوڑ مننگ ءِ۔ دوشنبےنادے آ تینا بیان اٹی اوپارے کہ تلہ گنگ و کیبی ٹی لمپی سکن ترندی اٹ ساہدار و میئی تا کہینگ نا سوب جوڑ مننگ ءِ ہرانا سوب آن علاقہ ٹی دا بابت بھلو گڑتی اسے۔ اوپارے کہ علاقہ ٹی رہینگوک آتا گیشتری آبادی نا ذریعہ معاش کشت وکشار و لائیو اسٹاک تون وابستہ ءِ، دا ناجوڑی نا سوب آن مخلوق ءِ زرگزرانی فریشانی تا مون تروک ءِ۔ اوپارے کہ حکومت پنجاب ءِ دا بابت تینا زمواری تا احساس ءِ کرسا دمدستی وڑاٹ متحرک مننگ و ہلہلہ ئی گام گیج کننگ نا سخت گرج ءِ۔
