اسلام آباد۔ 15 اگست (اے پی پی) ملک انا چندی علاقہ غاتیٹی دوشنبے 15 اگست آن انسداد پولیو مہم بناکرینے۔ پولیو مہم خیبرپختونخوا نا شش ضلع بنوں، لکی مروت، قطبی و سویلی وزیرستان ، ڈی آئی خان، ٹانک تون اوار کراچی و حیدر آباد اٹی بناکننگانے۔ دوشنبے نادے آ جاری تینا بیان اٹی بنجائی وزیر جان جوڑی عبدالقادر پٹیل پارے کہ غٹ اواری اٹ پولیو دین انا چٹفنگ اٹ تینا کڑد ءِ ادا کیر، عالم دینک ، سول سوسائٹی میڈیا و راج انا ہر بندغ پولیو نا چٹفنگ کن تینا پبی کڑد ءِ ادا کے۔ 22 اگست آن ملک انا ایلو علاقہ غاتیٹی ہم مہم بناکننگ ءِ۔ اوپارے کہ دین نا خطرہ نا رداٹ لمہ و باوہ تینا چناتے رکھی پڑی ضرور کنفر۔ اوپارے کہ چناتا رکھ آخبت نا زمواری ننا غٹ آ بیٹ مریک۔ پولیو پروگرام کراچی ، حیدر آباد و خیبرپختونخوا شش ضلع غاتیٹی پولیو مہم بنوں، لکی مروت، قطبی وسویلی وزیرستان ، ڈی آئی خان، ٹانک 24 اگست اسکان برجاسلک وخت اس کہ بلوچستان اٹی پولیو مہم نا بنا 29 اگست آن بناکیک و 4 ستمبر اسکان برجاسلک، مچ آ ملک اٹی پولیو مہم نا بنا22 اگست آن مریک و 26 اگست اسکان برجاسلک۔ اوپارے کہ لمہ و باوہ پولیو مہم اٹی چناتے پولیو نا پڑی المی کنفر انتئے کہ اینخو پاکستان اٹی داتم اسکان پولیو نا 14 کیس رپورٹ مسنے۔
