پاکستان نا جوڑ کننگ کن قربانی تروک آتے سلام پیش کیوہ، سردار تنویر الیاس خان

مظفرآ باد۔ 14 اگست (اے پی پی) وزیراعظم آزاد حکومت ریاست جموں وکشمیر سردار تنویر الیاس خان پارینے کہ پاکستان نا 75 می یوم آزادی نا وخت آ مچ آ قوم ءِ مبارکبادی ایتیوہ۔ ایوان صدر مظفر آباد اٹی اڈ ہلوک مرکزی دود آن تران کرسا اوپارے کہ کشمیر پاکستان نا دفاعی فصیل ءِ پاکستانیت آ یخین تخیوہ و پاکستان نا جوڑ کننگ کن قربانی تروک آتے سلام پیش کیوہ۔ اوپارے کہ غیرکانودی وڑاٹ بھارت نا کوزہ گیری ٹی کشمیر ننا جون نا بشخ ءِ و اونا آجوئی اسکان پاکستان نیم ءِ انتئے کہ داعلاقہ نا لمہ غاک و ایڑھک سوز ہلای بیرک ءِ بینسا پیش تمرہ و شہید آک تینا میت آتے سوز ہلای بیرک اٹ جہہ جاگہ کیرہ۔ یاسین ملک کشمیری تا لیڈر ءِ ، دنیا منک کہ او حریت راہشون ءِ۔ یاسین ملک نا دہ سال انا مسڑ تینا باوہ نا مہر اکن ترسائنگ انگ ءِ ہندا قوم آن سید علی گیلانی ، شبیر شاہ و میر واعظ کون آ راہشون پیش تمانے کشمیری تا میر واعظ نا خاہوت تون عقیدت ءِ چٹفنگ مفک۔ دود اٹی صدر آزاد جموں و کشمیر بیرسٹر سلطان محمود چوہدری ، ڈپٹی اسپیکر کانود ساز اسمبلی، وزراء حکومت ، اسمبلی نا باسک، سیکرٹریک حکومت، بڑزکو فوجی وسول آفیسر آتون اوار ہرمکتبہ فکر آن تعلق تخوک آ  بندغ آتا بھلو کچ اس بشخ ہلکر۔