یوم آزادی نا وخت آ صدر و وزیراعظم آزاد جموں و کشمیر ایوان صدر اٹی بیرک ءِ چست کریر

مظفرآباد۔ 14 اگست (اے پی پی) یوم آزادی پاکستان نا وخت آ صدر آزاد جموں وکشمیر بیرسٹر سلطان محمود چوہدری و وزیراعظم سردار تنویر الیاس ئسک ایوان صدر اٹی بیرک ءِ چست کریر۔ داوخت آ سائرن خلنگا و آزاد جموں وکشمیر پولیس نا کنڈآن سلامی تننگا اوکان پد دود اس اڈتننگا۔ وزراء حکومت، اسمبلی نا باسک، چیف سیکرٹری، انسپکٹر جنرل پولیس، سیکرٹری حکومت، بڑزکو فوجی و سول آفیسر آک ہم داوخت آ ساڑی ئسر۔