وطن عزیز نا آزادی نا ڈائمنڈ جوبلی آ وزارت خارجہ نا ملک ءِ سازوزیمل نا کمک اٹ خراج تحسین

اسلام آباد۔ 14 اگست (اے پی پی) وزارت خارجہ نا آفیسر آک پاکستان نا آجوئی نا 75 می سال دے انا وخت آ وطن عزیز ءِ شاندار سازوزیمل نا خراج تحسین پیش کریر۔ آفیسر آک کلیم عثمان نا نوشتہ کروک و مہدی حسن نا خلوک آ پنی آ ملی نغمہ’’یہ وطن تمہارا ہے‘‘ ءِ دُوارہ ریکارڈ کریر۔ دا پنی آ ملی نغمہ نا گچینی ءِ اونا واکدار کلہو کن کننگاسس ہرا غٹ پاکستانی تے دا وطن نا میرات نا رکھ انا یات ترفک ہرا قائد اعظم محمد علی جناح نا کماشی ٹی ننا باوہ و پیرہ نا جہد آجوئی نا سوب آن جوڑ مس داٹی شہید آتا دترہم اوار ءِ۔ داٹی پاکستان نا ورناتیکن اسہ واکدار ءُ کلہو اسے کہ او تینا شناخت نا قدر ءِ کیر و یات تخر کہ دا اوفتا خواری و عزم داملک ءِ مون آ دیک۔ دا شئیر نا روح انا رداٹ ہراٹی مخلوق ءِ داوخت آ بش مننگ و تینا وطن نا رکھوک نا وڑاٹ تینا فرض ءِ پہہ مننگ نا سلہ خلنگانے۔ بیان اٹی پاننگانے کہ وزارت خارجہ نا آفیسر آک پاکستان نا دفاع نا اولیکو لائن نا وڑاٹ تینا فرض ءِ جانفشانی اٹ سرایترہ۔ دا ملی نغمہ پاکستان ٹیلی ویژن، ریڈیو پاکستان و پنی آ گلوکار و موسیقار اویس نیازی نا کمک اٹ اریکارڈ و جوڑ کننگا۔