کوئٹہ تون اوار مچ آ بلوچستان اٹی ملک انا 75 می یوم آزادی ءِ روایتی جم وجوش اٹ اڈتننگا

کوئٹہ۔ 14 اگست (اے پی پی) کوئٹہ تون اوار مچ آ بلوچستان اٹی ملک انا 75 می یوم آزادی ءِ روایتی جم وجوش اٹ اڈتننگ انگ ءِ۔ بلوچستان نا نوکاپ آن زہمی علاقہ غاتون اوار غٹ ضلع و ڈویژن ہیڈ کوارٹر آتیٹی جشن آزادی نا خصوصی دود اڈتننگا۔ کوئٹہ، ڈیرہ مراد جمالی، جعفر آباد، جھل مگسی، سبی، کوہلو ، ڈیرہ بگٹی، ڈیرہ اللہ یار، اوستہ محمد ، تربت، گوادر، ژوب، قلعہ عبداللہ، چمن ، حب، خضدار، سوراب، مکران، کچھی، ڈھاڈر، صحبت پور، ہرنائی، زیارت، پشین، گلستان، خانوزئی، ہنہ اوڑک، دشت اتون اوار غٹ چنکا بھلا شار تیٹی بیرک ءِ چست کننگ نا دود اڈ ہلک ہراڑے بشخ ہلوک آک یوم آزادی نا وخت آ تینا خیال آتا درشانی ءِ کریر۔ جشن آزادی نا وخت آ سیکورٹی نا گچین بست وبند آتا سوب آن قبائلی علاقہ غاتون اوار غٹ ہند آتیاشاریک جشن آزادی نا دود آتیٹی زیات آن زیات بشخ ہلکر و وطن عزیز تون مہرومریبت نا درشانی ءِ کریر۔