ڈیرہ مراد جمالی، کمشنر نصیر آباد ڈویژن نا کماشی ٹی جشن آزادی نا دود اس اڈہلک

کوئٹہ۔ 14 اگست (اے پی پی) ڈیرہ مراد جمالی ٹی کمشنر نصیر آباد ڈویژن  فتح محمد خان خجک نا کماشی ٹی یوم آزادی نا رداٹ جشن آزادی نا غٹ آن بھلا دود اڈ ہلک۔ دود آن تران کرسا کمشنر نصیر آباد ڈویژن پارے کہ پاکستان کون آ عظیم اسلامی مملکت اللہ تعالیٰ نا کنڈآن ننکن بھاز بھلو ٹیکی اسے آجوئی بھاز بھلو نعمت اسے ہرانا نن بایدے است اٹ قدر ءِ کین اوپارے کہ قائد اعظم محمد علی جناح نا کماشی ٹی برصغیر نا مسلمانک بھاز بھلو جہد و لکھ آ نرینہ و نیاڑی تا بے مٹ قربانی تا سوب آن پاکستان دنیانا نقشہ غا جوڑ مس ہرانا رکھ و شونداری و شونہالی کن پبی کڑد ادا کننگ غٹ شاری تا زمواری ءِ۔ اوپارے کہ نصیر آباد نا طالب علم آک یوم آزادی نا رداٹ دود اٹی تینا پبی لائخی تا درشانی ءِ کرینو ہراڑکن او و اوفتا استا دآک مبارکباد نا حقدار ءُ اودود اٹی شریک غٹ آفیسر ، کارندہ ، شرفمند، متبر، استاد و میڈیا نا نمائندہ غاتا منت واری ءِ ہرفے۔