پشاور۔ 14 جولائی (اے پی پی) ڈپٹی اسپیکر قومی اسمبلی زاہد اکرم درانی پارینے کہ ضلع بنوں نا شونداری بنجائی حکومت نا اولیت ءِ ہراڑکن 15 ارب روپئی نامیگا پروجیکٹ آتا منظوری ءِ تننگانے۔ عئید ملن پارٹی آن تران کرسا اوپارے کہ شونداری ڈٹ آتیٹی بنوں بالی پٹ، بنوں یونیورسٹی و زالبول یونیورسٹی نا ودکی و بحالی آن بیدس میگا اسکیمک اوار ءُ۔ اوپارے کہ فنڈز باران ڈیم ءِ ودفنگ نا ڈٹ، پوسکن آسڑک آتا جوڑ کننگ، آبپاشی و کنوئی آ ساف دیر انا اسکیم تیکن کاریم اٹ اتنگک۔ اوپارے کہ غٹ میگا پروجیکٹ آتا ٹینڈر جاری کننگانے و ضلع بنوں ٹی شونداری و شونہالی نا پوسکن آ دور بناکرینے، بنوں ایئر پورٹ نا ودکی نا پڑو ءِ مسکوہی وزیراعظم نواز شریف کرینے۔ اوپارے کہ مستین نا حکومت اٹی بنوں نا شونداری ءِ گوجالنگا و داجاگہ ناشاری تا گچینی کن ہچ اس کننگتو، او مخلوق نا ویل آتیان جوانی اٹ واقف ءِ و اوفتا غٹ ویل آتے اولیتی بنداو تیا ایسر کننگک۔ داکان مست ڈپٹی اسپیکر جنرل سیکرٹری واپار و صنعت غلام کباز خان تون خلق کوٹ ڈیم اٹی اونا لمہ نا کزیت آ ہڑزخواہی کرے و ایماندار نا روح انا ثواب کن دعا پاتیا کرے۔
