اسلام آباد۔31اگست (اے پی پی): صدر آصف علی زرداری ءَ ملائیشیا ءِ 69می آجوئی ءِ روچ ءِ درگت ءَ حکومت ءُ الس ءَ را دل ءِ جہلانکی ءَ چہ مبارکی دات۔ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ ملائیشیا ءِ شاہ سلطان ابراہیم ءَ را وتی مبارکی نمدی ءِ تہ ءَ گوشت کہ پاکستان ءُ ملائیشیا ءِ نیام ءَ …
صدر آصف علی زرداری ءَ ملائیشیا ءِ آجوئی ءِ روچ ءِ درگت ءَ حکومت ءُ الس ءَ را مبارک بات
اسلام آباد۔31اگست (اے پی پی): صدر آصف علی زرداری ءَ ملائیشیا ءِ 69می آجوئی ءِ روچ ءِ درگت ءَ حکومت ءُ الس ءَ را دل ءِ جہلانکی ءَ چہ مبارکی دات۔ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ ملائیشیا ءِ شاہ سلطان ابراہیم ءَ را وتی مبارکی نمدی ءِ تہ ءَ گوشت کہ پاکستان ءُ ملائیشیا ءِ نیام ءَ یکجائی ارزشت، یکجائی مول ءُ مراد، وت مہ وتی بھروسہ ءُ کمک ءِ بنیات ءَ نزیکیں ءُ دوستی ءِ سیادی است انت۔ آئی ءَ گوشت کہ دوئیں ملک آنی نیام ءَ تجارت ءُ سرمایہ کاری، وانگ ءُ زانگ، دفاع، دود ءُ ربیدگ ءُ مردم آنی نیام ءَ رابطہ آنی تہ ءَ بازیں شوبگ آنی تہ ءَ دودیمی کمک ءِ تہ ءَ مدام مھکم بوھگ ءَ اِنت۔ صدر آصف علی زرداری ءَ دل یکیمی ءِ درشان کت کہ دوئیں ملک آنی وت مہ وتی نپ آنی واستہ پاکستان ءُ ملائیشیا ءِ نیام ءَ کمک گیش دیمروئی کنت۔ آئی ءَ ملایا ءِ سروکی ءِ ھاتر ءَ وتی نیکیں واھگ درشان کت ءُ ملایا ءِ راج ءِ ھاتر ءَ امن ءُ ایمنی ، دیمروئی ءُ وشھالی ءِ ھاتر ءَ دعا کت۔
