لاہور۔31اگست (اے پی پی): مزن وزیر محمد شہباز شریف کرغزستان ءِ بنجاہی شہر بشکیک ءَ 10روچ ءِ تر ءُ تاب ءَ شتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف شنگھائی کوآپریشن آرگنائزیشن سروک دیوان ءَ گوں تران کنت ءُ جتا جتائیں دمگی ءُ جھان ءِ جیڈھ آنی سر ءَ پاکستان ءِ لیکہ ءَ پیش کنت۔ ایس …
مزن وزیر شہباز شریف کرغزستان ءِ تر ءُ تاب ءَ روادگ بوتگ
لاہور۔31اگست (اے پی پی): مزن وزیر محمد شہباز شریف کرغزستان ءِ بنجاہی شہر بشکیک ءَ 10روچ ءِ تر ءُ تاب ءَ شتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف شنگھائی کوآپریشن آرگنائزیشن سروک دیوان ءَ گوں تران کنت ءُ جتا جتائیں دمگی ءُ جھان ءِ جیڈھ آنی سر ءَ پاکستان ءِ لیکہ ءَ پیش کنت۔ ایس سی او پلس سروک دیوان ءَ مزن وزیر محمد شہباز شریف ھم بھر زوری کنت۔ مزن وزیر ھاسیں مہمان ءِ بستار ءَ ورلڈ نومیڈ سروک دیوان ءِ بنگیجی مراگش ءَ ھم بھر زوری کنت۔ اے تر ءُ تاب ءِ ساھت ءَ مزن وزیر محمد شہباز شریف شنگھائی کمکی گل سروک دیوان ءَ بھر زوروکیں جتاجتائیں ملک آنی سروک آنی گوما ھم دو نیمگی گند ءُ نند کنت۔ گند ءُ نند آنی ساھت ءَ وت مہ وتی سیادی، تجارت ءُ سرمایہ کاری، دمگی کمک ءُ وت مہ وتی دلپدردی ءِ اے دگہ معاملہ آنی سر ءَ گپ ءُ تران کنگ بیت۔ مزن وزیر محمد شہباز شریف کرغزستان ءِ صدر صدر ژاپاروف ءِ گوما دو نیمگی گند ءُ نند ءَ کنت۔ گند ءُ نند ءَ پاکستان ءُ کرغزستان ءِ نیام ءَ وت مہ وتی سیادی آنی درستیں تک ءُ پھنات آنی سر ءَ چار ءُ تپاسی کنگ بیت۔ مزن وزیر ءِ کرغزستان ءِ تر ءُ تاب ءِ ساھت ءَ تجارت ءُ سرمایہ کاری، توانائی، دمگی سیادی، گپ ءُ تران ءِ تہ ءَ وانگ ءُ زانگ، سیل ءُ سواد ءُ مردم آنی نیام ءَ سیادی ءِ دیمروئی ءِ سر ءَ گپ ءُ تران کنگ بیت۔ وفاقی وزیر جام کمال خان، عبدالعلماء خان ءُ عطا اللہ تارڑ ھم مزن وزیر ءِ ھمراھی ءَ ھوار بنت۔
