کوئٹہ۔ 14 جولائی (اے پی پی) وزیراعلیٰ بلوچستان میر عبدالقدوس بزنجو نا برمتہ مروک لیفٹیننٹ کرنل لئیق نا شہیدی آ خاہوت تون ہڑزخواہی کرسا پارینے کہ برمتہ گر آتابہیمانہ کارروائی مذمت نا قابل ءِ۔ وزیراعلیٰ سیکرٹریٹ آن جاری کروک بیان اٹی وزیراعلیٰ بلوچستان پارے کہ دہشت گرد زموار آک اسہ نرزور آفیسر اسے لغوری اٹ شہید کریر۔ آرمی آفیسر نابرمتہ و اودے شہید کننگ نا مسخت دہشت و وحشت نا چاگڑد ودی کننگ ءِ۔ اوپارے کہ دہشت گرد و اوفتا سرپرست آتے تینا ناپاک عزم اٹی بے سہبی مریک۔ اوپارے کہ نرزور سیکورٹی فورس آتا ورنا وآفیسر آتے داوڑنا لغوری حرکت آتیان مرعوب کننگ مفک۔ دہشت گردی نا واقعہ ٹی اوار زموار آتے زوت آن زوت تینا ایسر اسکان سرکننگک۔ وزیراعلیٰ شہید نا خاہوت تون ہمدردی و ہڑزخواہی کرسا دعاکرے کہ اللہ تعالیٰ شہید نا درجہ غاتے بڑز و خاہوت ءِ صبر و جمیل عطاکے۔
