اسلام آباد۔ 14 جولائی (اے پی پی) چیئرمین سینیٹ محمد صادق سنجرانی سینیٹر پروفیسر ڈاکٹر مہرتاج روغانی نا اَرے نا کزیت آ است ہسونی نا درشانی ءِ کرینے۔ سینیٹ سیکرٹریٹ نا رداٹ چیئرمین سینیٹ مدینہ منورہ غان سینیٹر پروفیسر ڈاکٹر مہرتاج روغانی ءِ ٹیل فون کرے و اونا خاہوت تون ہڑزخواہی و ہمدردی نا درشانی ءِ کرے۔ اوپارے کہ او ڈکھیائی نا داساہت اٹی ڈاکٹر مہرتاج روغانی نا خاہوت نا غم اٹی بریبر نا شریک ءِ۔ اودعاکرے کہ اللہ تبارک و تعالیٰ ایماندار نا بخشش و درجہ غاتے بڑز کے و غمزدہ خاہوت ءِ دا صدمہ ءِ صبر و حوصلہ اٹ سگنگ نا توفیق عطاکے۔ ڈپٹی چیئرمین سینیٹ سینیٹر مرزامحمد آفریدی، قائد ایوان سینیٹ سینیٹر اعظم نذیر تارڑ و قائد حزب اختلاف سینیٹ سینیٹر ڈاکٹر شہزاد وسیم ئسک ہم سینیٹر پروفیسر ڈاکٹر مہرتاج روغانی نا اَرے نا کزیت آ خاہوت تون است ہسونی و ہمدردی نا درشانی ءِ کریر۔
