سپریم کورٹ نافیصلہ غان پد پارلیمنٹ ءِ مسکوہی وزیراعظم، صدر، اسپیکر و ڈپٹی اسپیکر نا برخلاف آرٹیکل 6 انا رداٹ کارروائی کروئی مریک، خواجہ سعد رفیق

اسلام آباد۔ 14 جولائی (اے پی پی) بنجائی وزیر ہوابازی خواجہ سعد رفیق پارینے کہ ڈپٹی اسپیکر نا رولنگ نا برخلاف سپریم کورٹ نا سرجم فیصلہ و جسٹس مظہر عالم نا نوٹ آن پد پارلیمنٹ ءِ مسکوہی وزیراعظم ، صدر، اسپیکر و ڈپٹی اسپیکر نا برخلاف آرٹیکل 6 انا رداٹ کارروائی کروئی مریک۔ بنجائی وزیر پنچ شنبےنادے آ تینا اسہ ٹویٹ اسے ٹی پارے کہ پارلیمنٹ ءِ مسکوہی وزیراعظم ، صدر، اسپیکر و ڈپٹی اسپیکر نا برخلاف آرٹیکل 6 انا رداٹ کارروائی کروئی مریک وگرنہ ہربروک آ آئین نا بے حرمتی ءِ کرسا کیک۔ داکان بیدس بنجائی وزیر ہوابازی تینا اسہ پین ٹویٹ اسے ٹی پارے کہ پیٹرول، ڈیزل، و سی نا نہاد آتیٹی کمتی نا حوال عمران مافیا غا بجلی جوڑ مرسا تمانے۔ اوپارے کہ الس ءِ ریلیف یا ریاست آن جوان مننگ فتنہ عمرانیہ ءِ منظور اف۔