مسکوہی ڈپٹی اسپیکر قومی اسمبلی نا رولنگ ءِ غیر آئینی گوندنگ نا فیصلہ پاکستان نا جمہوری تاریخ اٹ روشنا ءُ بشخ اس نوشتہ کننگک، بنجائی کابینہ آرٹیکل 6 انا رداٹ کارروائی نا فیصلہ کیک، اعظم نذیر تارڑ و قمر الزمان قائرہ نا پریس کانفرنس

اسلام آباد۔ 14 جولائی (اے پی پی) بنجائی وزیر کانود و انصاف سینیٹر اعظم نذیر تارڑ و وزیراعظم نا سلاہکار امور کشمیر قمر الزمان کائرہ ئسک مسکوہی ڈپٹی اسپیکر قومی اسمبلی نا رولنگ ءِ غیر آئینی گوندنگ ناعدالت عظمیٰ نا فیصلہ نا ستاءِ کرسا پارینو کہ بلاشبہ پاکستان نا جمہوری تاریخ اٹی دا فیصلہ ءِ روشنا درور نا وڑاٹ یات تخنگک، عدالت عظمیٰ تینا فیصلہ ٹی نوشتہ کرے کہ آرٹیکل 5 نا اسل خلاف ورزی مسنے، آرٹیکل 6 نا رداٹ کارروائی حکومت وخت انا کاریم ءِ، داسہ حکومت نا زمواری ءِ کہ عدالتی فیصلہ نا جاچ ءِ ہلے، داباندات اٹی آرٹیکل 6 انا رداٹ کارروائی نا فیصلہ بنجائی کابینہ کیک، عمران خان نا پیشن نا نیام تمنگ نا بیانیہ غا سپریم کورٹ نا دافیصلہ آخیریکو میخ ءِ، اول قومی سلامتی کمیٹی اِرا وار و داسہ عدالت عظمی ہم داسازش ءِ بے نقاب کرینے، عمران خان صاحب، نی کنا مخالفت ءِ ضرور کر ولے پاکستان نا سالمیت و سلامتی نا برخلاف ہنپہ، عمران خان فتنہ، پھسات نا سیاست  ءِ ہلسا مثبت سیاست نا کسر ءِ اختیار کے۔ داخیال آتا درشانی ءِ او پنچ شنبے نادے آ پی آئی ڈی ٹی ٹی اسیجائی پریس کانفرنس آن تران اٹی کریر۔ بنجائی وزیر کانود و انصاف سینیٹر اعظم نذیر تارڑ پارے کہ سیاسی تاریخ آن ڈپٹی اسپیکر نا رولنگ نا بابت سپریم کورٹ نا فیصلہ اہم ءِ، عمران خان ڈپٹی اسپیکر نا رولنگ ءِ سلہہ جوڑ کرسا اسمبلی ءِ تحلیل کرے و صدر ہم اوڑآ عمل کرے، عدالت عظمیٰ ازخود نوٹس ہلکوسس، چیف جسٹس ءِ اونا اُراغا 12 جج پاریر کہ دا باندات آ ازخود نوٹس ہلین، پاکستان نا سیاسی سرکڑدہ داڑآ سپریم کورٹ ءِ خراج تحسین پیش کرے۔