اسلام آباد۔ 13 جولائی (اے پی پی) بلوچستان ءَ انٹرنیشنل ریسکیو کمیٹی ءُ حکومت ءِ کمکی چست ءُ ایر آنی وسیلگ ءَ سد آنی سیلاپ ءِ آماچیں مردم سیت مند بنت، کم چہ کم 150000 مردم آناں زوتیں کمک ءِ ضلورت انت، ترندی ءَ گوں ھراب بوھوکیں جاور ھال آنی رد ءَ کوئٹہ ءَ ایمرجنسی جنگ بوتگ، کوئٹہ ءَ استیں ھور آنی سبب ءَ بوھوکیں سیلاپ ءَ چہ بلوچستان ءَ مزنیں کساس ءَ تباھی ءِ بوتگ۔ ایشی ءِ نتیجگ ءَ بلوچستان حکومت ءَ سرجمیں صوبگ ءَ کمکی کاروائی گوں ترندی ءَ جاڑیگ انت۔ اے ترندی ءَ گوں ھراب بوھوکیں جاور ھال آنی رد ءَ ائید ءِ چھٹی آنی ساھت ءَ انٹرنیشنل ریسکیو کمیٹی ءَ زوتیں رد ءَ جاور ھال آنی گر ءُ دار ءِ واستہ بلوچستان ءِ ضلع پیشن ءُ کوئٹہ ءَ کمکی چست ءُ ایر آنی بنگیج کتگ۔ محمد شریف انٹرنیشنل ریسکیو کمیٹی ءِ ھیڈ آف کارگس ءَ گوشتگ کہ ” ما انوگ ءَ تاں سیلاپ ءِ آماچیں دمگ آنی تہ ءَ 3 مپت میڈیکل کیمپ جنگ ءَ کامیات بوتگ انت ایشانی تہ ءَ 500 ءَ چہ گیش اوگان لڈ ءُ بار کنوک ءُ میزبان گس سیت مند بوت کن اَنت۔ اے ریسپانس ءِ چیر دستی ءَ آماچیں دمگ آنی تہ ءَ 350 ءَ چہ گیش فوڈ پیکج ءُ 250 ءَ چہ گیش گنیٹی کٹس ھم بھر ءُ بانگ کنگ بوتگ۔ اے زوتیں ریسپانس جنرمن بنجاھی درئی کارانی کارگس ءِ مالی کمکی، انٹرنیشنل ریسکیو کمیٹی ءِ اندرونی فنڈز، ءُ ادارگ ءِ صوبائی پارٹنر، پیپلز پرائمری ہیلتھ کئیر انیشیٹو (پی۔پی۔ایچ۔آئی) ءِ کمک ءَ چہ بوت کتگ۔ ل زوتیں بنیات ءَ چہ کمکی چست ءُ ایر آنی بنگیج ایمرجنسی ءِ جنگ ءِ بیست ءُ چار کلاک آنی اندر ءَ صوبائی ڈیزاسٹر منیجمنٹ اتھارٹی، بلوچستان ءِ گوما شور ءُ مشور کنگ بوتگ۔ انٹرنیشنل ریسکیو کمیٹی ءِ کنٹری ڈائریکٹر شبنم بلوچ ءَ گوشتگ کہ ” اے پھمگ ھم سک باز ارزشتی انت کہ ما کدرتی آپت آنی سبب ءَ زالبول ءُ جنکیں زھگ آنی مشکل آنی تہ ءَ گیشی بیت ءُ ھمے ھاترا کجام ھم ایمرجنسی رسپانس ءِ رد ءُ بند کنگ ءِ وھد ءَ زالبول ءُ جنکیں زھگ آنی جیڈھ آناں ڈالچار کنگ المی انت۔ ” آئی ءَ گوشت کہ کدرتی آپت آنی سبب ءَ پیداک بوھوکیں مشکل آنی کم کنگ ءِ واستہ سیادی داروکیں ادارگ آناں مصوبگ بندی کنگ ءُ کلانہ آناں یکجائی ءَ کار کنگ ءِ ضلورت انت تانکہ آیوکیں باندات ءَ ایٹماسپیئر ءِ رکھینگ ءِ واستہ کار وھد ءُ موہ ءِ سر ءَ چار ءُ رتپاسی گرگ بوت بکنت۔ اے کدرتی آپت آنی سبب ءَ صوبگ ءِ زالبول ءُ زھگ آں ھوار 77 ءَ چہ گیش مردم بیران بوھگ ءِ ھال رستگ وھدیکہ 100 ءَ چہ گیش مردم ٹپیگ بوتگ انت۔ بنداتی اھوال آنی رد ءَ صوبگ ءِ کم چہ کم 150000 مردم آناں ایمرجنسی کمک ءِ ضلورت انت، وھدیکہ 30000 مردم سک باز آماچ انت۔ صوبائی دارلحکومت کوئٹہ ءَ زوتیں جاور آنی جار جتگ ۔ اسٹنٹ کمشنر ءِ رد ءَ مسلم باگ سول ہسپتال ءِ وارڈ ءُ ایمرجنسی سنٹر ءَ آپ توک ءَ پترتگ وھدیکہ مسلم باگ ءِ کوھی دمگ آنی تہ ءَ 100 ءَ چہ گیش گس آناں تاوان رستگ۔ قلعہ سیف اللہ، ژوب ءُ ہرنائی ءِ دور ءُ گستائیں دمگ آنی تہ ءَ سیلاپ ءَ چہ دگ آناں تاوان رستگ۔ ایشی ءِ سبب ءَ کمکی کاروائی آنی تہ ءَ مھتلی ءُ اوشت اتکگ۔ پشین انتظامیہ ءِ یک کارندہ ءِ رد ءَ پشین ءِ دمگ مالکیار، ڈان خانوزئی ءُ شیخ ملزئی ءَ سدانی کساس ءَ لوگ کپتگ انت۔ گوستگیں تجروبت ءُ کدرتی آپت ءُ بلا آنی بیم ءِ بنیات ءَ ، حکومت ءِ بلوچستان ءُ سیادی داروکیں سرکاری ءُ گیر سرکاری ادارگ آناں زوتیں جاور ھال آنی گوما گر ءُ چیل بوھگ ءِ واستہ یک ٹوھیں کار رھبند ءِ تیار کنگ ءِ ضلورت انت۔ انٹرنیشنل ریسکیو کمیٹی ءَ گوست ءَ ھم ھمے رنگیں ایمرجنسی جاور آنی تہ ءَ وردن ءُ وراک، گس ءِ کارمر ز بوھوکیں سامن ءُ بنیاتی جان سلامتی کیمپ آنی وسیلگ ءَ آماچیں آباتی آناں کمک پجاری کتگ۔ انٹرنیشنل ریسکیو کمیٹی اے وھد ءَ ضلعی ءُ صوبائی کارندہ آنی گوما ھم رابطہ ءَ اِنت تانکہ آئی ءَ کمکی چست ءُ ایر آنی ھوالگ ءَ سئیگ ءُ سرپد کنگ بہ بیت۔
