اسلام آباد۔13جولائی (اے پی پی):چیئرمین سینیٹ محمد صادق سنجرانی ءَ گشتگ کہ کشمیر ءِ جیڑہ ءَ را گیشء ُگیوار کنگ ءَ ابید جنوبی ایشیا ءِ تہا محکمیں امن ءُ ایمنی بوت نہ کنت، میاں اوستمانی براتی کشمیر ءِ تہا بھارت ءِ نیمگ ءَ چہ زُلم ء ُ ناحقی ءِ سرءَ ترندیں نوٹس بزوراں ء ُ کشمیر ءَ انسانی حقانی حلاپ ورزی ءَ را ہلاس کنگ ءَ وتی کرد ءَ پیلو بہ کن اَنت۔ سینیٹ سیکرٹریٹ ءِ گشگ ءِ ردءَ اے گپ آئی ءَ کشمیر ءِ شہیدآنی روچ ءِہوالگءَ وتی حاسیں کلوہءِ تہا گشتگ۔ سینیٹءِ چیئرمین ءَ گشتگ کہ آ روچ دور ناایں کہ کشمیری آنی آجوہی ءِ واب الم ءَ پیلو بیت۔ محمد صادق سنجرانی ءَ گشتگ کہ ایوان بالا کشمیر ءِ جیڑہ ءَ را گیش ء ُ گیوار کنگ ءَ وتی کردءَ پیلو کنگ ءَ اِنت کشمیر ءِ جیڑہ ءَ را اقوام متحدہ ءِ سکیورٹی کونسل ءِ تپاک نامہ آنی ردءَ گیش ءُ گیوار کنگ ء ُ مقبوضہ کشمیر ءِ تہا بھارت فوج ءِ زُلم ء ُ ناحقی ءَ را دارگ ءِ ھاترءَ بازیں تپاک نامہ منظور کتگ۔ سینیٹ ءِ تہا قائد ایوان سینیٹر اعظم نزیر تارڑ ءُ سینیٹ ءِ تہا قائد حزب اختلاف سینیٹر ڈاکٹر شہزاد وسیم ءَ ہم مقبوضہ کشمیر ءِ اُلس ءِ گوما یکوئی ءِ درشانی کتگء ُ گشتگ کہ کشمیری آنی سرءَ بوتیں زلم ء ُ ناحقی آیانی توارءَ بند کُت ناکناں۔
