ملتان۔13جولائی (اے پی پی): پیسرگیں مزن وزیر سینیٹر سید یوسف رضا گیلانی ءَ پی پی 217 ءِ ضمنی گچین کاری ءِ تہا پاکستان پیپلز پارٹی وومن ونگ ملتان ءِ سٹی صدر عابدہ بخاری ءَ را لوگ پہ لوگ گچین کاری مہم ءِ ٹاسک داتگء ُ پنت ء ُ شون کتگ کہ آ شجاع آباد ءُ خانیوال ءِ نیمگءَ پی پی 217 ءَ ہم ترندیں محنت ء ُ جہد ء ُ کوشست بہ کن اَنت ء ُ پی ڈی ایم ءِ یکجاہی اُمیت وار سلمان نعیم ءَ را الم ءَ سوبمند بہ کن اَنت۔ اے ھیالانی درشانی آئی ءَ گوستگیں روچءَ گیلانی گس ءَ عابدہ بخاری ءِ سروکی ءَ زالبولانی یک ڈلے ءَ گوں گپ ءُتران کنانءَ کتگ۔ ڈل ءِ تہا پیپلز پارٹی ءِ عہدگ دار کشور جبیں، مصباح ذیشان ،حانیہ بتول ءُ ایندگہ مردم ہوار بوتگ اَنت۔ سید یوسف رضا گیلانی ءَ وومن ونگ ءِ کارءُ کردءَ را ساڑاتگء ُ گشتگ کہ ملک ءَ را پدمنتگی ءَ چہ رکینگ ءِ ھاترءَ 17 جولائی ءَ پی ڈی ایم ءِ سوبمندی المی اِنت۔
