اسلام آباد۔ 12 جولائی (اے پی پی) وزیراعظم شہباز شریف پنچ شنبے نادے آ 14 جولائی آن ملک اٹی بشام نا پین پِر و بنجا و صوبائی محکمہ غاتے الرٹ مننگ نا پارت کرے۔ وزیراعظم آفس نا میڈیا ونگ آن جاری بیان نا رداٹ وزیراعظم سندھ، بلوچستان و سویلی پنجاب تون اوار مچ آ ملک اٹی الس نا رکھ انا گام گیج آتا سخت چاروکی ءِ کننگ نا پارت کرینے۔ وزیراعظم بنجا نا کنڈآن صوبائی حکومت وادارہ غاتے پورو کمک فراوان کننگ آ این ڈی ایم اے ءِ شاباشی ترسا پارے کہ سیوت، کمک ، شریداری عمل و الس نا خذمت نا بے لوث جوزہ ننا قوت و سرسہبی ءِ۔ وزیراعظم صوبائی حکومت و ادارہ غاتے ہم الس نا جان و مال انا رکھ اکن خذمت آتیا خراج تحسین پیش کرے۔ آفیسر و عملہ کن تینا کلہواٹی وزیراعظم شہباز شریف پارے کہ الس نا ہرحال اٹ خذمت ءِ کیر، نما جوزہ و خذمت ستاکڑزک۔ اللہ تعالیٰ نا مخلوق نا خذمت نا جوزہ ہی اسل اٹ غٹ آن عظیم جوزہ ءِ۔ عئید انا چھٹی تیٹی السی خذمت نا شاندار جوزہ نا نم درشانی ءِ کریرے۔ پولیس تون اوار میونسپل و شاری بست وبند آتا زموار غٹ ادارہ غاتا ستاءِ کیوہ۔
