اسلام آباد۔ 12 جولائی (اے پی پی) چیئرمین سینیٹ محمد صادق سنجرانی پارینے کہ پاکستان افریقی ملک آتون کمک و رابطہ کاری کن خصوصی حکمت عملی اس جوڑ کرینے، ننے پارلیمانی سفارتکاری ءِ کاریم اٹ اتسا علاقائی امن و ہم آہنگی نا مون آ دننگ و شونداری ٹی اڑاند ودی کروک آ ویل آتا ایسری کن اجتماعی کوشست آتے ترند کروئی مریک۔ سینیٹ سیکرٹریٹ آن جاری بیان نا رداٹ داخیال آتا درشانی ءِ او برکینہ فاسو کانود ساز اسمبلی نا صدر ابوبکر توگوینیی تون گپ وتران کرسا کرے ہرا دوشنبے نادے آ اوڑتون اوڑدہی کرے۔ اوڑدہی ٹی ہڑتوم آ کنڈآتا تعلقداری تون اوار تین پہ تینی است خواہی نا امور آ گپ وتران کننگا و ہڑتوم آ کنڈآتا تعلقداری تے پین سوگو کننگ کن پارلیمانی سفارتکاری ءِ مون آ دننگ آ زور شاغنگا۔ چیئرمین سینیٹ پارے کہ پاکستان افریقی ملک آتون کمک و رابطہ کاری کن خصوصی حکمت عملی اس جوڑ کرینے، ‘‘لک افریقہ ’’ پالیسی نا رداٹ کمکاری نا پوسکن آ کسر تا ملنگ ، گچین رابطہ و واپاری کمکاری ٹی کمک رسینگک۔ ڈیہہ ٹی امن و شونداری کن پارلیمان تیا بھلو زمواری اس بیٹ مریک۔ اوپارے کہ ننے پارلیمانی سفارتکاری ءِ کاریم اٹ اتسا علاقائی امن و ہم آہنگی نا مون آ دننگ و شونداری ٹی اڑاند ودی کروک آ ویل آتا ایسری کن اجتماعی کوشست آتے ترند کروئی مریک، اوپارے کہ پارلیمانی و ادارہ جاتی کمکاری السی کہول آ رابطہ غاتے مون آ دننگ اٹ کمکار مننگ کیک۔ اوپارے کہ پاکستان افریقی ملک آتون تعلقداری تے پین مون آ دننگ نا خواہندار ءِ ، کاروباری بشخ آتیٹی پدریسہ ڈل آتا ہن و بر نا کمک اٹ واپار و زرکاری نا وارخواہی پٹنگ مریک۔ چیئرمین سینیٹ زرکارآتے تینا پاکستانی ہم منصب آتون اواری اٹ زرکاری نا وارخواہی پٹنگ آ زور شاغا۔ برکینہ فاسو کانود ساز اسمبلی نا صدر ابوبکر توگوینیی پارے کہ پاکستان ننکن و ڈیہہ نا اسہ اہم ءُ ملک اسے۔ اومستی ادارہ جاتی کمکاری نا گرج آ زور شاغا۔
