مچ آ ملک اٹی 24 گھنٹہ ٹی 4 ہزار 674 کورونا ٹیسٹ کننگا، کورونا مثبت کیس آتا کچ 5.46 درسد اسکان سرمس، این آئی ایچ

اسلام آباد۔ 12 جولائی (اے پی پی) نیشنل انسٹی ٹیوٹ آف ہیلتھ (این آئی ایچ ) پارینے کہ مچ آملک اٹی تدوک آ 24 گھنٹہ ٹی 4 ہزار 674 کورونا ٹیسٹ کننگانے۔ سے شنبے نادے آ این آئی ایچ نا کنڈآن جاری کروک ٹویٹ اٹی شیئر کروک آ حساب وکتاب نا رداٹ تدوک آ 24 گھنٹہ ٹی 4 ہزار 674 کورونا ٹیسٹ کننگانے ہرافتیان 255 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ مثبت کورونا ٹیسٹ انا کچ 5.46 درسد ئسک۔ داکان بیدس داوخت آ کورونا دین آن 1 ناجوڑ اس زوال کرے وخت اس کہ 141 ناجوڑ آتا حالیت نازرک ءِ۔