اسلام آباد۔ 12 جولائی (اے پی پی) وزیراعظم شہباز شریف نا مچ آ ملک اٹی شنزہ ئی پِر تیان الس نا رکھ ءِ پک کننگ کن صوبائی حکومت و این ڈی ایم اے ءِ پارت ترسا پارینے کہ الس نا رکھ و نسخان تیان وس اسکان بچنگ کن پبی کوشست کننگے۔ وزیراعظم میڈیا ونگ آن جاری بیان نا رداٹ وزیراعظم شہباز شریف پارت تس کہ بنجانا کنڈآن صوبائی حکومت و ادارہ غاتا پبی کمک ءِ کننگے۔ خطرہ نا مون اٹ بروک آ علاقہ غاتا الس ءِ رکھ ہند آتیا گدریفنگے، زہمی الس ءِ عارضی پناہ گاہ و خور انا فراوانی ءِ پک کننگے، ہلہلہ ئی امداد و دینی مرض آن بچنگ کن میڈیکل ٹیم تے متحرک کننگے۔ وزیراعظم پارے کہ پِری و نوکاپی دیر انا نکاس کن درکار مشینری و عملہ تعلقدار ہند آتیا سرکننگے، سپرے کرفنگے تانکہ دین تے توننگ مرے، کراچی تون اوار ملک انا ایلو بشخ آتیٹی مرک آتیا بھاز ڈکھ ءِ، زہمی تتون ہمدردی کینہ۔ اوپارے کہ این ڈ ی ایم اے کراچی و سندھ اٹی الس نا رکھ ، ریسکیو و ریلیف اٹی صوبائی حکومت و ادارہ غاتا کمک ءِ کے، نوکاپی حالیت آتیٹی کرنٹ لگنگ کون آ واقعہ غاتا توننگ کن ہلہلہ ئی گام گیج کننگے۔ وزیراعظم پارت کرے کہ نوکاپی حالیت آتیٹی کرنٹ لگنگ کون آ واقعہ غاتا توننگ کن ہلہلہ ئی گام گیج کننگے۔ وزیراعظم پِر تیان مروک آ نسخان تیا است ہسونی و زہمی تتون یکجہتی نا درشانی ءِ کرے، الس نا رکھ و کمک کن غٹ وسیلہ غاتے کاریم اٹ اتینہ۔
