اسلام آباد۔ 11 جولائی (اے پی پی) وزیراعظم محمد شہباز شریف کویت نا وزیراعظم عزت مآب شیخ صباح خالد الحمد الصباح تون ٹیل فون آ گپ وتران کرے۔ وزیراعظم بھلا عئید انا خوشی نا وخت آ کویت نا سرکڑدہ، حکومت و الس ءِ مبارکبادی تس۔ وزیراعظم آفس نا میڈیا ونگ آن جاری بیان نا رداٹ کویتی وزیراعظم عئید انا مبارکبادی پیش کرسا داخوشی تا وخت آ پاکستان نا حکومت و الس کن نیک است خواہی تا درشانی ءِ کرے۔ پاکستان و کویت نا نیام اٹ برادرانہ تعلقداری نا درشانی ءِ کرسا وزیراعظم تین پہ تینی است خواہی نا چندی بشخ خاص وڑاٹ واپار و زرکاری ٹی کمکاری ءِ سوگو کننگ نا عزم انا درشانی ءِ کرے۔ وزیراعظم کویت اٹی پاکستانی کمیونٹی نا گچین خیالداری کننگ آ کویت نا سرکڑدہ و الس نا منت واری ءِ ہرفے۔ پاکستان وکویت نا نیام اٹ خوشگوار برادرانہ تعلقداری ءِ ہرانا روتہ غاک اسیجائی تاریخ و اسیجائی فائدہ غاتیا تالان ءُ۔
