اسلام آباد۔ 11 جولائی (اے پی پی) بنجائی وزیر مواصلات مولانا اسعد محمود سعودی عرب آن ٹیل فون نا کمک اٹ تینا حلقہ ٹی رابطہ کرے و ضلع ٹانک اٹی پِر و حالیت آتیا گڑتی نا درشانی ءِ کرے۔ بنجائی وزیر تینا حلقہ ضلع ٹانک انا چندی علاقہ غاتیٹی پِر و نوکاپی حالیت آتیا جے یو آئی ایف نا ضلعی عہدیدار آتون رابطہ کرے و پارے کہ مشکل نا داساہت اٹی تینا مخلوق تون سلوک اُٹ۔ مولانا اسعد محمود مالی نسخان تا ازالہ کن ضلعی انتظامیہ ءِ دمدستی وڑاٹ المی پارت جاری کرے۔ مولانا اسعد محمود وزیراعظم ہم پاکستان نا دفتر تون رابطہ کرے و ضلع ٹانک ءِ آفت زدہ گوندنگ و ریلیف پیکج تننگ نا خواست کرے۔ اوپارے کہ حج آن وطن آ پدی بننگ آ دمدستی وڑاٹ نوکاپ آن زہمی علاقہ غاتا دورہ ءِ کیوہ۔
