جنرل قمر جاوید باجوہ نا حج انا وخت آ مسجد الحرام اٹی ویڈیو وائرل، مخلوق ءِ ملکی سلامتی، سوگوی و بقاکن دعا تا پارسا کرے

اسلام آباد۔ 11 جولائی (اے پی پی) پاک فوج انا سروک جنرل قمر جاوید باجوہ نا حج انا وخت آ مسجد الحرام اٹی ویڈیواس وائرل مسنے ہراٹی مخلوق نا بھلو کچ اس اونا دامون ایمون ساڑی ءِ،  جنرل قمر جاوید باجوہ مخلوق اتون ملا، دا مقدس ہند آ ساڑی مخلوق ءِ ملکی سلامتی ، سوگوی و بقاکن خصوصی دعا تا پارسا کرے۔ پاک فوج انا سروک جنرل قمر جاوید باجوہ نا حج انا وخت آ سوشل میڈیا غا وائرل ویڈیو ٹی مخلوق نا بھلو کچ اس اونا دامون ایمون مچ ءِ و جوڑ بڑ کننگ تون اوار اوار سیلفی ہم ہلنگ ءُ۔ آرمی چیف ءِ تینا نیام اٹ خنسا مخلوق خوشی نا پبی درشانی ءِ کرے۔ داوخت آ آرمی چیف جنرل قمر جاوید باجوہ مخلوق ءِ پارے کہ او پاکستان کن دعا کیر وخت اس کہ مخلوق ہم جنرل قمر جاوید باجوہ کن نیک است خواہی تا درشانی ءِ کرے۔