اسلام آباد۔ 10 جولائی (اے پی پی) پاک فضائیہ نا شعبہ تعلقات عامہ بھلا عئید انا وخت آ فلائٹ سیفٹی نا بابت آگاہی کلہو اس شینک کرینے ہراٹی الس ءِ قربانی تا ساہدار تا آلائش آتے رکھ وڑاٹ تلف کننگ نا پارت کننگانے۔ کلہو اٹی دا ہیت ءِ تالان کننگانے کہ قربانی مروک ساہدار تا بچوک آتے پاک فضائیہ نا ایئر بیس آتا ماس آ خسنگ آن چک آک اوفتا کنڈآ بریرہ ہراکہ جہاز و ہواباز آتیکن خطرہ نا سوب جوڑ مریک۔ دا چک آک جہاز آتون ڈوک لگسا جہاز آتے بھس کننگ کیرہ ہرانا نتیجہ ٹی نہادی جان و ماڑی تے ناقابل تلافی نسخان سرمننگ نا گمان ودک۔ کلہو اٹی الس آن خواست کننگانے کہ قربانی مروک ساہدار تا بچوک آتے خاص جتا کروک جاگہ غاتیا خسر و اوفتے ڈغار اٹی ڈکر و تینا دامون ایمون نا چاگڑدنا سفائی ءِ پک کیر۔
