خلق خدانا خذمت، نادار ، بے سیبو و چوری تے تینا خوشی تیٹی اوار کننگ عئید انا اسل کلہو ءِ، سردار بابر خان موسیٰ خیل

کوئٹہ۔ 10 جولائی (اے پی پی) ڈپٹی اسپیکر بلوچستان اسمبلی سردار بابر خان موسیٰ خیل بھلا عئید انا وخت آ اہل اسلام و مچ آ قوم ءِ مبارکبادی ترسا دا خوشی نا وخت آ الس تون عئید ملنگ اٹی گپ وتران کرسا پارے کہ بھلا عئید انا مذہبی تہوار حضرت ابراہیمی نا ہمو عظیم قربانی تا تقلید نا وڑاٹ اڈتننگک ہرا دے او اللہ تعالیٰ نا رضا و خوشنودی نا دوئی کننگ کن تس، اوپارے کہ خلق خدا نا خذمت ، نادار، بے سیبو و چوری تے تینا خوشی تیٹی اوار کننگ عئید انا اسل کلہو ءِ و راج انا اختہ مروک آ تپہ، مفلس و محروم زرگزران بندغ تپہ غاتے تینا خوشی تیٹی اوار کننگ عئید انا فلسفہ ءِ۔ اوپارے کہ عئید انا دے نا خواست ءِ کہ تین پہ تینی رنجش و اختلاف آتے گیرام کرسا اخوت و مہرومریبت نا جوزہ غاتے مون آ دننگے۔ اینو نادے تینا ذات انا نفی، ذاتی و فائدہ غاتا قربانی ءِ ترسا ایثار، ایلمی و سیوت نا جوزہ غان سرشار مرسا ملک انا شونداری کن کاریم کننگ نا کلہو ایتک۔