ملتان ۔ 10 جولائی (اے پی پی) مسکوہی وزیراعظم و پاکستان پیپلزپارٹی نا مرکزی راہشون یوسف رضاگیلانی پارینے کہ مسکوہی حکمران ملک ءِ ڈیفالٹ کننگ خواہسکہ۔ نن سیاست نا جاگہ غا ریاست ءِ بچفینن۔ ملتان اٹی عئید انا نماز آن پد میڈیا تون گپ وتران کرسا مسکوہی وزیراعظم پارے کہ جہانی معاہدہ ریاست تون مریک شخصیت آتون آخا۔ مسکوہی حکومت آئی ایم ایف تون معاہدہ نا خلاف ورزی کرے۔ اوفتے سمائس کہ او باتسنو۔ یوسف رضاگیلانی پارے کہ اگہ اسہ سال انا عبوری حکومت جوڑ مسکہ تو ملک بھاز مشکل اٹی ہناکہ۔ اوپارے کہ حکومت نا ہِننگ آن پد عمران خان ادارہ و ملک انا برخلاف ہیت کرے۔ اینو اسکان داوڑ کس اس کتنے۔ عمران خان مسہ تُو اٹی سویلی صوبہ اس جوڑ کننگ نا قول کریسس ہرا پورو متو۔ مسکوہی وزیراعظم پارے کہ ننا گیشتری بریک تو پیپلزپارٹی ہی صوبہ جوڑ کیک۔ اوپارے کہ نن مون آ کانود ءِ چٹفین۔ نن میڈیا نا آجوئی نا حق اٹی اُن۔
