اسلام آباد۔ 09 جولائی (اےپی پی ) وزیراعظم محمد شہباز شریف بحرین نا شاہ حمد بن عیسیٰ الخلیفہ تون ہفتہ نادے آ ٹیل فون آ گپ وتران کرے و اودے بھلا عئید انا خوشی نا وخت آ مبارکبادی تس۔ وزیراعظم آفس نا میڈیا ونگ آن جاری بیان نا رداٹ وزیراعظم مملکت بحرین نا برادر الس و پدریسہ شونداری و شونہالی کن نیک است خواہی تا درشانی ءِ کرے۔ پاکستان و بحرین نا نیام اٹ متکن آ برادرانہ تعلقداری تا درشانی ءِ کرسا وزیراعظم پارے کہ خڑکی تعلقداری چندی بشخ خاص وڑاٹ ہڑتوم آ کنڈآتا واپار و زرکاری نا مون آ دننگ اٹ ہڑتوم آ کنڈآتا کمکاری نا اہم وارخواہی فراوان کرینے۔ وزیراعظم نا کنڈآن عئید انا جم و جوش اٹ مبارکبادی نا ورندی ءِ ترسا شاہ حمد بن عیسیٰ الخلیفہ داوخت آ پاکستانی الس کن نیک است خواہی نا درشانی ءِ کرے ۔ اوہڑتوم آ ملک آتا الس نا فائدہ کن تین پہ تینی کمکاری ءِ گیشتر کننگ نا عزم انا درشانی ءِ کرے۔ پاکستان و بحرین نا نیام اٹ دیرینہ دوستانہ تعلقداری ءِ ہرانا روتہ غاک اسیجائی ایمان،م تین پہ تینی افہام و تفہیم و اسیجائی فائدہ غاتیا مبنی ءُ۔
