اسلام آباد۔9جولائی (اے پی پی): ملک مستر ڈاکٹر عارف علو ی ءَ مادر ِ راج بانک فاطمہ جناح ءَ را آئی ءِ سال روچءِ درگتءَ گوں جوش ء ُ جزبگ ءَ داد ءُ سلام پیش کتگ۔ ایوان صدر ءِپریس ونگ ءَ چہ شمبے ءِ روچءَ جاری بیان ءِ ردءَ ملک مسترءَ گشتگ کہ سرجمیں راج مادرِ راج ءَ را دادءُ سلام پیش کنت۔ آئی ءَ گشتگ کہ قائداعظم محمد علی جناح ءِ ھاترءَ مادرِ راج بانک فاطمہ جناح ءِ سرجمیں ہمراہ داری ءَ تحریک پاکستان ءِ تہا گیشی آہورتگ۔ ملک مستر ءَگشتگ کہ سیاست ءِ تہا مادرِ راج ءِ راہشونیں کرد ءَ پاکستانی زالبولاناں سکین داتگ۔ ملک مستر ڈاکٹر عارف علوی ءَ گشتگ کہ مادرِ راج ءَ وتی برات محمد علی جناح ءِ نادراہی ءِ وہدءَ آئی ءِ باز ازمت کتگ ء ُ پہ پاکستان ءِ ھاترءَ آئی ءِ کتگیں ازمت دائم ءَ یات کنگ بنت۔
