اسلام آباد۔9جولائی (اے پی پی): مزن وزیر محمد شہباز شریف ءَ بحرین ءِ شاہ حمد بن عیسیٰ الخلیفہ ءَ گوں شمبے ءِ روچءَ ٹیلیفون ءِ سرءَگپ ء ُتران کتگ ءُ آئی ءَ را آئید ءِ وشیانی مراد بات داتگ۔ مزن وزیر کارگس ءِ میڈیا ونگءَ چہ جار ی بیان ءِ ردءَ مزن وزیر ءَ بحرین ءِ براتیں اُلس ءِ یکوئی دیمروئی ءُ وشھالی ءِ ھاترءَ نیکیں وائشتانی درشانی کتگ۔ پاکستان ءُ بحرین ءِ نیام ءَ دیریگیں براتیں سیادی ءِ بابتءَ گپ ء ُتران کتگء ُ مزن وزیر ءَ گشتگ کہ نزیکیں سیادیاں بازیں پڑ حاس دونیمگی بیپاری ء ُ زرکاری ءَ را گیش کنگ ءَ دونیمگیک کمک ءِ تہا حاسیں موہ داتگ۔ مزن وزیر ءِ نیمگءَ چہ آئید ءِ روچءِ مراد باتی ءِ پسو داتگ ء ُ شاہ حمد بن عیسیٰ الخلیفہ ءَ اے موہ ءَ پاکستانی اُلسءِ ھاترءَ نیکیں وائشتانی درشانی کتگ۔ آئی ءَ دوئیں ملک آنی اُلس ءِ پائدگ ء ھاترءَ دونیمگی کمک ءَ را گیش کنگ ءِ جزم ءِ درشانی کتگ۔ پاکستان ء ُ بحرین ءِ نیامءَ دیریگیں دوستیں سیادی اَست اَنت کہ آیانی روتگ یک وڑیں ایمان، دونیمگی لوٹ ء ُ واہگ ء ُ یکجائی پائدگ ءِ سرءَ اَنت۔
